Главная страница ساياھەتچى تور بېتىنىڭ مۇنبىرى Регистрация

Вход

Приветствую Вас Гость | RSS Вторник, 2017-09-19, 7:51 PM
[ Новые сообщения-yingi xewerler · Участники-ezalar · Правила форума · Поиск-izdesh · RSS ]
Страница 1 из 11
Форум * Munber » Medeniyet/Культура » SHEIRLAR TOPI » Ana tilim jan tilim
Ana tilim jan tilim
AQQUSHДата: Понедельник, 2007-12-31, 2:08 PM | Сообщение # 1
Сержант
Группа: Пользователи
Сообщений: 33
Статус: Offline
Ana tilim jan tilim

Jenabiy heq yaratqanda teng yaralghan tilim sen ,
Hemde janu -- jismimge qandek taralghan tilim sen .

Zuwanimni oghuz süti birle achtim uyghur bop ,
Ömürlükke sadaqetke xas qaralghan tilim sen .

Namim uyghur we shungimu tilim menggu uyghurche !!
Elmisaqtin muqeddes we öz atalghan tilim sen !!!

Hich kimning yoq heqqi shunga qollanmaysen déyishke ,
Kelsimu bashimgha qilich qachmaydighan tilm sen .

Ger chépilsam shéhitturmen jenabiy heq emrichün ,
Manga shunche aliy sherep nishanlighan tilim sen .

Séningsiz jismimmu jansiz , rohimmu mutleq jansiz ,
Sensiz künüm jan'gha zulum !
Küyleydighan tilm sen !

Bayrighim sen !
Barlighim sen !
Yarighim sen !!
Anamsen !!!
Séni tashlash munapiqliq !!!
Qoghdaydighan tilim sen !!!

Til démek -- millet démek , ger til yuqalsa milletmu ... !
Yimirilmes bu heqiqet !
Yashaydighan tilim sen !!!

Gheyri tilgha xushtar bolmaq -- qagha yantaq söygini ,
Sen gülümsen bulbul kebi sayraydighan tilim sen !

Sen güzelsen , sen shirin sen , -- qimmitingge söz yetmes !
Naming birle ta ebidi yayraydighan tilim sen .

Nechche ming xil til bilishte kamaletke yetsemmu ,
Pexirlinip jaranglitip sözleydighan tilim sen !

Shunchiwala qedirliksen jandin éziz anamdek ,
Jenabiy heq rizasini közleydighan tilim sen .

Nime u gah in'gilizche gahi rus we bashqiche ... !
Ta ebidi paklighingni saqlaydighan tilim sen !

Nomussizliq , wijdansizliq ana tildin chetnimek ,
Dunya altun tartuq qilsa azmaydighan tilim sen .

Heyranimen , weyranimen bichare nadanlargha ,
Bu dunyada nede bulay azlaydighan tilim sen !

Shum reziller jöylishidu , -- kargha kelmes , yoq qilip ,
Ni ni qismet we hikmetler tolup -- tashqan tilim sen !

Nime digen naheqchiliq ! -- ders münbiri sanga tar !
Chüshensichu ! --- meripette ustaz bolghan tilim sen !

Séni cheklesh , séni yeklesh -- pir -- ustazgha haqaret !
Nadanliqning zerbisidin saqlaydighan tilm sen .

Tarix ölmes , belki shahit ! -- misli sherep - shaninggha ,
Alemge nur , pasiwan bop dang chiqarghan tilim sen !

-- Ewweli ingnge bilen dunyagha kelgendin béri ,
Insanche yashash yulini xitap qilghan tilim sen !

Sen bilen ilim -- bilimde dili yurup alemche ,
Qanchilap alim , ziyali dawan ashqan tilim sen .

Ene mehmut , yusup hemde lutfi nawayi , ... Larning ,
Kitabigha jan , güzellik béghishlighan tilim sen .

Munda gunnar yaring ( shwit ) , gaba'in xan ( némis ) mu ,
Heyran bolup hikmitingdin alqishlighan tilim sen .

Téxi gaba'in sanga zep ashiqliqta , xoshluqta ,
Ömür buyi sanga atap kitap yazghan tilim sen .

Belki pütkül hayatini béghishlap birla sanga ,
Toy qilmastin köz yumushqa ilham bolghan tilim sen .

Shundaq !
Alim séni sözler , tarix bilgen nochimu !
Küylimekke , sözlimekke zep yarashqan tilim sen !

Bu heqiqet ! -- bilgen bilür qediringni jan tilim !
Bilmigen shum na'ehliler töhmet qilghan tilim sen !

Welikin karwan kétidu , ishtlar qawap qalidu ,
Ilim söygen heqiqetchi hörmet qilghan tilm sen !

Chüshen'gech men bu mubarek qismitingni jan tilim ,
Burchum bilip tunutushni qelem alghan tilim sen .

Shungimu yil yetti on'gha yiraq qirlarda haman ,
Qinalsammu bushashmidim , otni salghan tilim sen .

-- « Otqa meptundur semender , lawa ot bextidur bilseng ! » ,
Shunche tartting mihrimni sen !
Yashnaydighan tilim sen !

Yasha !
Yasha !!
Minglap yasha !!!
Payandazing men séning !
Közümning gewhiri kebi asraydighan tilim sen !

Bu allahim béghishlghan pak eqidem , wezipem ,
Zerrichilik tetür baqsam bolmaydighan tilm sen .

Yazimen shunga kitabim , welikin köp xijilmen ,
Teswiringni ming yil yazsa pütmeydighan tilim sen !

Xeyriyet , köp söyünüshtin tutalmidim özümni ,
Shunga janni mert -- merdane pida qilghan tilim sen .

Körüp baqqay éziz xelqim , ilhamimu bop qalar ,
Shu armanda allahqa köp nida qilghan tilim sen .

Séni shunche söyimen ey ana tilim jan tilim !
Söygü gülzarida bulbul xendan urghan tilim sen !!!

---- Abdul Quddus Abdul Hafiz

Türkiye --- Istanbul

2007 . 2 . 11

http://www.aqqush.com/bbs/read.php?tid=638
Http://www.Aqqush.Com


Ilimge qoshulup kelse ger bir gherez,
U ilim emestur belki bir merez.


Сообщение отредактировал AQQUSH - Понедельник, 2007-12-31, 2:10 PM
 
SayahetchiДата: Пятница, 2008-05-30, 11:34 AM | Сообщение # 2
Admin
Группа: Администраторы
Сообщений: 115
Статус: Offline
© http://www.1tilla.com/list.asp?unid=136
Тилимизни барғансири сөймәс болуп китип барғинимиз мени ичиндуруп йүргән бу күнләрдә үшбу шеирни көрүп көпчилик билән ортақлашқум кәлди , артуқ гипим йоқ пәқәт : һәммә ишни өзимиздин башилишимиз кирәк , шуңа мушу шеирни оқуп болуп тилииңизни (ана тилимизни) саплаштурушни башлаң !

Уйғур тилим әлвида

маслашмидиң заманға ,
уйғур тилим әлвида .
йетәлмидим арманға ,
уйғур тилим әлвида .

"луфаң"дедуқ бинани ,
"хаба "дедуқ дәряни .
"мийнү"дедуқ рәнани ,
уйғур тилим әлвида .

"луфаң "алдуқ "дәйкүән"гә ,
"җуаңшиюв "қилдуқ "йивән"гә ,
амал йоқму дәтмәнгә ,
уйғур тилим әлвида .

тоңлатқуни "биңшияң "дәп ,
яңратқуни "йиңшияң "дәп ,
гүрҗәкниму "тишияң "дәп ,
уйғур тилим әлвида .

"гуңвуйүән"дәп мәмурни ,
"чийәнзә"дедуқ амбурни ,
немә дәрмиз тәмбүрни ?
уйғур тилим әлвида .

көмүргазни "мийчи "дәп ,
акоритни "пичи "дәп ,
17ни "явчи "дәп ,
уйғур тилим әлвида .

"воши "дедуқ ятақни ,
"шези "дедуқ аяқни ,
"лиювлаңхән "дәп саяқни ,
уйғур тилим әлвида .

кәрәпшини "чиңсәй "дәп ,
күдә демәй "җүсәй "дәп ,
паләкниму "босәй "дәп ,
уйғур тилим әлвида .

"хаңга "әмәс тәрхәмәк ,
"бәсәй "әмәс йесивиләк ,
бир пиләктин миң хәмәк ,
уйғур тилим әлвида .

"шувҗи"дедуқ янфонни ,
"шияңзав"дедуқ сопунни ,
"лавпо"дәрмиз хотунни ,
уйғур тилим әлвида .

карта демәй ка дедуқ ,
япма хишни ва дедуқ ,
биләлмисәк са дедуқ ,
уйғур тилим әлвида .

үстәлниму "җоза "дәп ,
орундуқни "йиза "дәп ,
компиютур -"җиза "дәп ,
уйғур тилим әлвида .

бус тартқуни "чувйәнҗи ",
шамалчини "гупуңҗи ",
дәриҗимиз "фукиҗи ",
уйғур тилим әлвида .

ери маңди "җиювбаға ",
хотун чайға "дибаға",
бала көнди "ваңбаға ",
уйғур тилим әлвида .

учришишни "йөхүй"дәп ,
йиғин демәй "кәйхүй"дәп ,
етибарни "ювхүй"дәп ,
уйғур тилим әлвида .

"даҗи"дедуқ әрзанни ,
"нүәнпиң "дедуқ чайданни ,
"шуҗүку"дәп санданни ,
уйғур тилим әлвида .

шавқун-сүрән "зайин"дәп ,
хәт басқанни "дайин"дәп ,
тәләппузни "файин"дәп ,
уйғур тилим әлвида .

"шигүән"дедуқ көнгәнни ,
"гүәнҗүн"дедуқ йәңгәнни ,
немә дәймиз мәңгәнни ?
уйғур тилим әлвида .

илғар болса "ювшиюв"дәп ,
римонитни "дашиюв"дәп ,
75ни "чишюв"дәп ,
уйғур тилим әлвида .

әйнәк едиш "гаңза "дәп ,
йезиларни "җаңза "дәп ,
шум очақни "лиңза" дәп ,
уйғур тилим әлвида .

дабазада засүй йәп ,
киндиҗида җитүй дәп ,
чаңза үчәй хотүй йәп ,
уйғур тилим әлвида .

"газир" болди шимишкә ,
"нәйпиң "болди имзигә ,
ойланмаймиз нимишкә ?
уйғур тилим әлвида .

"хого" болди йәлқазан ,
"голу" болди парқазан ,
"дийәнфәнго"боп ток қазан ,
уйғур тилим әлвида .

"диңпав"дигән чирақни ,
"туңку "дәйду пирақни ,
"явйүән "дәймиз йирақни ,
уйғур тилим әлвида .

ичкири демәй "кули"дәп ,
түлкә демәй "хули "дәп ,
ярдәмчини "җули"дәп ,
уйғур тилим әлвида .

җәриманә "факоән "дәп ,
сотханини "файүән "дәп ,
корпус демәй "дәнйүән "дәп ,
уйғур тилим әлвида .

күтүпхана "тушугүән ",
мулазимлар "фувуйүән ",
"савмий "болди бөлҗүргән ,
уйғур тилим әлвида .

"пиңза"болди ботулка ,
"шиҗуаң"кастиюм-бурулка ,
"гуңгав" болди лозунка ,
уйғур тилим әлвида .

тиккүчини "сәйпуң"дәп ,
"хуңмийән кавру ләңпуң дәп ,
су үзүшни "ювюң"дәп ,
уйғур тилим әлвида .

мамуқ чапан "йүрүңфу ",
раһәт иштан "шиювшийәнку",
ич иштанни дәп "шәнку" ,
уйғур тилим әлвида .

ич кийимни "ниййи"дәп ,
уйқу кийми-"шүййи"дәп ,
ичимликни "шөбий"дәп ,
уйғур тилим әлвида .

ток пулини "дийәнфий"дәп ,
қәрз телифон "чийәнфий"дәп ,
хошә демәй "гәнбий"дәп ,
уйғур тилим әлвида .

"мабу"дедуқ җамбини ,
"дәйзи "дедуқ халтини ,
"кавбавзи "дәң самсини ?
уйғур тилим әлвида .

"тиңҗи"болди тохтиған ,
"дабав"болди әп маңған ,
"лиювҗи"болди қәп қалған ,
уйғур тилим әлвида .

"гуңгав"дедуқ еланни ,
"хуңзав"дәйду чиланни ,
немә дәймиз йиланни !
уйғур тилим әлвида .

лентичини "дәйчи "дәп ,
велсипитни "сәйчи "дәп ,
дәрс ташлаш "куңки "дәп ,
уйғур тилим әлвида .

"тошәй "болди сапма кәш ,
"луза "болди пилтә мәш ,
бу модидин көңүл ғәш ,
уйғур тилим әлвида .

"җияңтәй"дедуқ мунбәрни ,
"шияңшүй"дедуқ әнбәрни ,
"каши "дәйли қәшқәрни ?
уйғур тилим әлвида .

"саңна "дедуқ мунчини ,
"мийәнҗаң" дедуқ унчини ,
"шиявхуа "дәймиз ғунчини ,
уйғур тилим әлвида .

йейишимиз "хәнбавбав ",
учимизда "миңтиҗияв ",
чолпинимиз "р. бачияв ",
уйғур тилим әлвида .

тоху қордақ- дапәнҗи ,
хүймийән ,бәнмийән ,лазиҗи ,
диң диң сомийән җовмаҗи ,
уйғур тилим әлвида .

су мантини "җувава" ,
кава демәй" хулугуа" ,
йәр юйғучни дәп "товба" ,
уйғур тилим әлвида .

бәрәнҗини яңю дәп ,
тетитқусу -җияңю дәп ,
тордаш демәй ваңюв дәп ,
уйғур тилим әлвида .

қизил кала -"хуңниюв"дәп ,
доситни таптуқ "пиңюв"дәп ,
қоқап кәтсәк әйю ! дәп ,
уйғур тилим әлвида .

"лаҗи"дедуқ әхләтни ,
"ваңҗән "дедуқ тор бәтни ,
"ювҗийән "дедуқ ел-хәтни ,
уйғур тилим әлвида .

"дачияв"дедуқ көврүкни ,
"җузи "дедуқ түврүкни ,
"шити "дәймиз өлүкни ,
уйғур тилим әлвида .

"фапияв"дедуқ талонни ,
"вәйдәй "дедуқ балонни ,
немә дәймиз қалунни ?
уйғур тилим әлвида .

"дашө"болди унивирестет ,
"зуңтуң "болди пириздинит ,
"дашөсиңдур "ситудинит ,
уйғур тилим әлвида .

батарийә"дийәнчи"дәп ,
буғда көлни -тийәнчи дәп ,
мөһләт ашса "йәнчи "дәп ,
уйғур тилим әлвида .

"гуаңчаң"дедуқ мәйданни ,
"чийәнбав"дедуқ пулданни ,
"шөвий"дедуқ унванни ,
уйғур тилим әлвида .

дилһозурни "дийәнши "дәп ,
қуруқ юйса "гәнши "дәп ,
оюн димәй "ювши "дәп ,
уйғур тилим әлвида .

тезгинәкни "явкуң "дәп ,
сийит ночи гаңгуң дәп ,
йетип тәпсә "давгуң "дәп ,
уйғур тилим әлвида .

ал төк дәйли" шазини ",
ишкап дәйли "җазини ",
пайпақ дәйли "вазини ",
уйғур тилим әлвида .

үзчат дәйли "кәйгүн"ни ,
самсақ дәйли "дасүән"ни ,
инистут дәп "шөйүән"ни ,
уйғур тилим әлвида .

"дубо"дедуқ қимани ,
унтуп қалдуқ "мима"ни ,
изләп уйғур симани !!!
уйғур тилим әлвида .

мода болди шалғут тил ,
ойланмиди уйғур дил ,
харап болди ана тил ,
уйғур тилим әлвида .

шалғутлашти тилимиз ,
қайнимайду дилимиз ,
"вийзу "болсун намимиз ,
уйғур тилим әлвида .

ана тилни қоғдайли ,
әнәнини қоғдайли ,
шалғут тилни түзәйли ,
уйғур тилим әлвида .

әлдә иди әр ғеми ,
әлгә көйгән әр қени ?
әл дәп аққан тәр қени?
уйғур тилим әлвида .

көп тил билиш шәрәп иш ,
тилдин келәр йүксилиш ,
ана тилсиз йезим ,қиш !!!!
уйғур тилим йиғлима !

дәрәх болмас йилтизсиз ,
милләт болмас өз тилсиз ,
өләй, қалсам сениңсиз !
уйғур тилим йиғлима !

мәнбәси: издиниш тори
аптори: вападарим 912
2008-йили 21-майдин 23-майғичә шәһри борталада йезилди

навада әсәр яққан болса бир сом пилани тор бетигә кирип еланни бирни чекип қоярсиз .
http://www.1tilla.com/

 
SayahetchiДата: Пятница, 2008-05-30, 2:38 PM | Сообщение # 3
Admin
Группа: Администраторы
Сообщений: 115
Статус: Offline
© http://www.anatilim.com/anatilimmunbiri/showpost.asp?id=930&forumid=12

Ана тилим

Тейипҗан Елиев

Ана тилим,
муһәббәт бабида чәксиз йеқимлиқ ---
җилвидар тилим;
нәпрәт бабида шунчә шиддәтлик ---
зулпиқар тилим.
миллитимизни,
хислитимизни,
иззитимизни,
сақлап кәлгән төһпикар тилим.

Ана тилим,
сән ачқан әқил көзимизниму,
сән билән чүшәндуқ мушу дуняни,
һәм чүшәндуқ,
чүшәндүрдуқ өзимизниму.
сән болғачқа,
узақ тарихму шунчилик йеқин,
сән болғачқа,
нәччә миң йиллиқ абидиләрдин
яңрайду сада,
чақниғандәк гояки чеқин.
сән болғачқа,
алдимда һазир һаят адәмдәк
шеир оқуйду апринчур текин.

сениң билән
аләмшумул сөз қилалиди
уйғур балиси.
сәндә җәмләнгән җәвһәрләр билән
илим дунясини һәйрәткә салди
кашғәрийниң улуғ қамуси.
сениң җилвидар нәқишиң билән
яралди нәзмилик инсаний дәстур ---
бовам йүсүпниң бәхтнамиси.

сениң " фусәһа ", " боләға " лириң①
сени мисраларға тизип яратти
уйғурчә ғәзәлниң нәмунисини.
сениң биләнму
навайи йезип бәхш әтти әлгә
есил мәниләрниң хәзинисини②,
намайиш қилди йүксәк чоққида
дастанчилиқ тәнтәнисини.

сән болғачқа,
туғди зәлилини йәркән дияри
(униң ғәзилигә талай шаирниң
мухәммәс бағлашқа③ тутти хумари.)

сән болғачқа,
нәвбити шундақ гүлдәстә тизди,
хушбуйи худди хотән ипари.
сән болғачқа,
хирқитиниң сулмиди гүли,
қалмиди сайраштин тохтап булбули,
гум болмиди гумнам мунари.
сән болғачқа,
маңди улап дастан йолини
назим билал һәмдә нәзари

сән болғачқа,
милләт намини яңратқан " уйғур ",
сайраминиң пушти армийә
мәрипәткә үндәп юртини,
йеқип җаһаләткә исян отини
( болуп шеһит һәм йерим шеһит ),
ачти шеирийәтниң йеңи бетини.
сән болғачқа,
хантәңриниң булбули лутун,
күйлиди баһар әлчиси болуп
маркисизим һәқиқитини...

әй, бибаһа Ана тилимиз,
сәндин аңлидуқ
даналарниң нәсиһитини,
әҗдатларниң вәсийитини.
сән арқилиқ чүшәндуқ ениқ
тарихниң қануни бишаритини
вә инқилаб далалитини.
шуңа қоғлидуқ зулмәтни сөкүп,
вә сән билән алқишлар төкүп,
қучтуқ азадлиқ парағитини.

Ана тилим,
өмүр көрдүң шунчә көп йил сән,
бәрдиң бизгә нурғун әқил сән.
әзәлдин бери
қәлбимизниң әзиз вәкили идиң,
биз мәвҗуд икәнмиз
йәнила шундақ әзиз вәкил сән,
мәвҗутлиқимизға әң чоң дәлил сән.
биз бүгүн йеңи мәнзилгә маңдуқ,
сәнму җәвһәр елип җими зувандин
бейип, техиму болғин есил сән.

Ана тилим,
сөйимән сени,
сән өмрүмниң җими зиннити.
яйрайду җеним,
аңлисам сени бай- уз - пак пети.
қахшайду җеним
йепишса саңа маймун иллити.
техиму һар келиду маңа
тапса инавәт орилип саңа
каззапларниң иғва - төһмити,
бишәмләрниң һазазуллиқи,
алдамчиларниң сахта һиммити,
оғриларниң һарам оқити.

лекин биз йәнә әмин шуниңға:
инсанийәт тапар камаләт.
дәйдиғинини һаман дәп болуп,
уҗуқиду ахир ләт болуп
әқил алдида хунүк җаһаләт,
паклиқ алдида мәшум қабаһәт.
әнә шу чағда
қилар тәнтәнә
инсан тилида раван ләтапәт.

Ана тилим,
чиллайду сени
тил дунясиниң бәс - бәс мунбири,
йилтизиң чиң сениң,
зиминиң мунбәт,
мивәңгә техиму толиду шәрбәт
қанчә пәрвиш әйлигәнсери.
өскәнсери әқил - зоқимиз,
өчүп наданлиқ ғәлдә - ғәшлири,
җилвилиниду сәндә мукәммәл
сәмимийәтниң сүзүк садаси,
пән ипадиси,
сәнәт тәсвири...
аһ, андақ болмиса,
немә дигүлүк,
яратмиса тарих тәһрири?
бу биз үчүн өлүм әмәсму?
вә "Нәс бастиму сени" демәсму
қәбридә йетип Мәһмуд Қашқәрий ...

йоллиди:Saqishchi

 
SayahetchiДата: Пятница, 2009-02-06, 9:01 PM | Сообщение # 4
Admin
Группа: Администраторы
Сообщений: 115
Статус: Offline
Ana tilim, uyghur tilim..
(Qaysi millet bolushidin qeti nezer, ana tilining yoqulushigha sükütte türdiken, u millet özlirining milli kimlikinimu yoqtidu. Til öz millitini söyüsh, kimlik we özining bar bolghanliqini ispatlaydighan. Ar-nomus sherep itibarini qoghdaydighan bir qoral.
(Türkiye jumhuriyetining 1-dewlet reisi Mustapa Kamal (Ata türk)

Tuyghulurum, söygümsen,
Ana tilim, uyghur tilim.
Atilardin yadikarsen,
Ana tilim, uyghur tilim.

Sensizsen, rohim ölük
Ana tilim, sazim sözüm
Put qolumsen, ikki közüm
Ana tilim, uyghur tilim.

Xoshalliqim ,köz yishimdur
Ana sütüm, jan ishimdur.
Minglarche yillar, qoldishimdur
Ana tilim, uyghur tilim.

Qayghu hesret, dertdishimdur
Qeghez-qelem, sirdishimdur.
Yürikimde bash tajimdur
Ana tilim, uyghur tilim.

Tariximgha köwrük bolghan
Ötmüshümge shahit bolghan
Reqiplerge neshter bolghan
Ana tilim, uyghur tilim.

Sensiz tilsiz bichcharimen
Yoldin azghan, awarimen
Sen bolmisang weyranimen
Ana tilim, uyghur tilim.

-=-=-
Ана тилим, уйғур тилим..
(Қайси милләт болушидин қәти нәзәр, ана тилиниң йоқулушиға сүкүттә түрдикән, у милләт өзлириниң милли кимликиниму йоқтиду. Тил өз миллитини сөйүш, кимлик вә өзиниң бар болғанлиқини испатлайдиған. Ар-номус шәрәп итибарини қоғдайдиған бир қорал.
(Түркийә жумһурийәтиниң 1-дәвләт рәиси Мустапа Камал (Ата түрк)


Туйғулурум, сөйгүмсән,
Ана тилим, уйғур тилим.
Атилардин ядикарсән,
Ана тилим, уйғур тилим.

Сәнсизсән, роһим өлүк
Ана тилим, сазим сөзүм
Пут қолумсән, икки көзүм
Ана тилим, уйғур тилим.

Хошаллиқим ,көз йишимдур
Ана сүтүм, жан ишимдур.
Миңларчә йиллар, қолдишимдур
Ана тилим, уйғур тилим.

Қайғу һәсрәт, дәртдишимдур
Қәғәз-қәләм, сирдишимдур.
Йүрикимдә баш тажимдур
Ана тилим, уйғур тилим.

Тарихимға көврүк болған
Өтмүшүмгә шаһит болған
Рәқипләргә нәштәр болған
Ана тилим, уйғур тилим.

Сәнсиз тилсиз биччаримән
Йолдин азған, аваримән
Сән болмисаң вәйранимән
Ана тилим, уйғур тилим.

 
SayahetchiДата: Суббота, 2009-02-07, 10:57 PM | Сообщение # 5
Admin
Группа: Администраторы
Сообщений: 115
Статус: Offline
Ana tilni xarlima

Meyli bolghin qaysi millet, ana tildin tanmighin,
Ana tilchün hetta qanlar aqquzushtin yanmighin.
Nam - menpe'et, abroyni dep ana tildin chanmighin,
Sanga eqil - idrak bergen tilingni xar qilmighin.

Qeddi - qamet, yürüsh - turush belgilimes milletni,
Ata tilla béreleydu héchkim bermes sölketni.
Oylap baqqin ana tilsiz qalghandiki külpetni,
Yuqturmighin ana tilni xar qilidighan illetni.

Xatasi yoq bilim üchün bashqa tilni öginish,
Chünki meqsed bilim élip qalaqliqni tügitish.
Lékin bilseng nomussizliq ana tildin waz kéchish,
Shu waz kéchish élip kéler zawalliqqa yüzlinish.

Wetini hem milletni qoghdimighan er sanalmas,
Weten - elge köyünmigen yüreklikrek mangalmas.
Milletmu hem ana tilsiz mewjut bolup turalmas,
Biliwalghin ana til bahasi yoq bir almas.
-=-=-
Ана тилни харлима

Мәйли болғин қайси милләт, ана тилдин танмиғин,
Ана тилчүн һәтта қанлар аққузуштин янмиғин.
Нам - мәнпәъәт, абройни дәп ана тилдин чанмиғин,
Саңа әқил - идрак бәргән тилиңни хар қилмиғин.

Қәдди - қамәт, йүрүш - туруш бәлгилимәс милләтни,
Ата тилла берәләйду һечким бәрмәс сөлкәтни.
Ойлап баққин ана тилсиз қалғандики күлпәтни,
Юқтурмиғин ана тилни хар қилидиған илләтни.

Хатаси йоқ билим үчүн башқа тилни өгиниш,
Чүнки мәқсәд билим елип қалақлиқни түгитиш.
Лекин билсәң номуссизлиқ ана тилдин ваз кечиш,
Шу ваз кечиш елип келәр заваллиққа йүзлиниш.

Вәтини һәм милләтни қоғдимиған әр саналмас,
Вәтән - әлгә көйүнмигән йүрәкликрәк маңалмас.
Милләтму һәм ана тилсиз мәвжут болуп туралмас,
Биливалғин ана тил баһаси йоқ бир алмас.

 
Форум * Munber » Medeniyet/Культура » SHEIRLAR TOPI » Ana tilim jan tilim
Страница 1 из 11
Поиск:

Copyright MyCorp © 2006 Сайт управляется системой uCoz