Главная страница ساياھەتچى تور بېتىنىڭ مۇنبىرى Регистрация

Вход

Приветствую Вас Гость | RSS Вторник, 2017-10-17, 2:58 AM
[ Новые сообщения-yingi xewerler · Участники-ezalar · Правила форума · Поиск-izdesh · RSS ]
Страница 1 из 11
Модератор форума: Sayahetchi 
Форум * Munber » TARIX ИСТОРИЯ » Tarixtin bayanlar » "Üch wilayet inqilabi" tarixidin
"Üch wilayet inqilabi" tarixidin
AQQUSHДата: Четверг, 2007-11-08, 4:09 PM | Сообщение # 1
Сержант
Группа: Пользователи
Сообщений: 33
Статус: Offline

Tariximizda bügün (1944-yil öktebir, noyabir)

- "Üch wilayet inqilabi" tarixidin

1944-Yili 10-ayning 5-künidin 7-künigiche 5-küni, ulastan partizanliri ekber batur, xemit muslimmof batur qatarliqlarni 500 nechche kishilik qoralliq küchni teshkillep, nilqa nahiye bazirigha hujum qilishqa ewetti. Yol boyi minggha yéqin amma ulargha egeshti. Etisi seherde, séyit batur bashchiliqidiki 1-chong etret, ghéni batur bashchiliqidiki 2-chong etret, iwan shutof bashchiliqidiki 3-chong etret sherq, jenub, gherp tereptin nahiye bazirigha shiddet bilen hujum qildi. Partizanlar bir kéchekündüz keskin jeng qilip, 7-küni chüshtin burun nilqini ishghal qildi. Nahiye bazirini saqlawatqan herbi-saqchidin 30 nechche kishini öltürüp, hökümet emeldarliri, herbilerdin 140 nechche ademni esirge aldi, 3 pilimot, 66 miltiq olja aldi. Türmige qamalghan obulxeyri töre, nüsüpqan künbay qatarliq 100 nechche ademni qutquzup chiqti.

10-Ayning 9-küni ulastay partizanliri nilqida ikkinchi qétim tertipke sélindi. Asasen qazaqlardin terkip tapqan 1-chong etretke ekber batur, séyit baturlar bashliq, asasen uyghurlardin terkip tapqan 2-chong etretke ghéni batur bashliq boldi, köpinche ezasi oruslardin bolghan 3-chong etretke iwan shutof bashliq boldi. Omumiy eskeriy küchi 800 nechche kishige yetti. Shuningdin bashlap bu qoshun nilqa partizanliri dep ataldi, partizanlarning tesiri téz sür'ette ghulja, tékes, künes we toqquztara nahiyilirigiche kéngeydi.

10-Ayning 12-künidin 16-künigiche 12-küni ju shawlyang zapas 7-diwiziye 19-polkining komandiri péng junyyégha 2-batalyon bilen biér minamyot rotisini bashlap,iligha yardem bérish hemde ilida turushluq gomindang qisimlirigha bir tutash qomandanliq qilishqa mes'ul bolush toghrisida buyruq chüshürdi. Péng junyé qoshun tartip 10-ayning 16-küni ghuljigha yétip bardi.

10-Ayning 18-künidin 19-künigiche 18-küni ju shawlyang planini özgertip, zapas 7-diwiziyining shtab bashliqi (senmujangi) saw rilingni waqtinche ili wilayitining mu'eqqet tinjitish qomandanliqigha belgilidi. Etisi sawriling ayroplan bilen ghuljigha bardi, u nilqa partizanliri bilen gomindang qoshunliri mazarda tirkiship turiwatqan ehwalgha asasen, ilidiki shu chaghdiki eskeriy küch bilen mazardin sherqqe qarap hujumgha ötüshni qarar qildi. Shuning bilen bir waqitta, kuchada turushluq qoshunlargha muzat dawini arqiliq jenubtin shimalgha hujumgha ötüsh; Zapas 7-diwiziyining 21-polkigha jingdiki achal arqiliq ghulja terepni tosush toghrisida buyruq chüshürdi.

10-Ayning 21-künidin 23-künigiche nilqa partizanliri ewetken shöbe etret jing nahiyilik saqchi idarisi igilep turghan achalni ishghal qilip, 23-küni jing nahiye bazirigha 15 k m kélidighan jayghiche ilgirlep kirdi.

10-Ayning 26-küni wu jungshin jyang jyéshigha télégramma yollap, tashqi ishlar ministérlikining shinjangda turushluq pewquladde diplomatiye xadimi, amérikida oqughan wu zishyangning ornigha junggoning sowétte turushluq elchixanisining xadimi, sowétta oqughan, rus tilini pishshiq bilidighan lyu zérongni shinqanggha tézrek ewetishni telep qildi.

10-Ayning 28-küni wu jungshin ili, tarbaghatay, altay wilayetlirining waliylirigha télégramma yollap: "sowét ittipaqi shinjang bilen chégradash,biz bilen yéqin qoshna dölet, bu heqte merkez éniq yolyoruq berdi,bu jaylardiki emeldarlarning bu rohni chongqur chüshinip, jaylardiki konsulxana xadimliri we barliq sowét muhajirlirigha alahide edeplik mu'amile qilip, ishta hemkarliship, diplomatiye munasiwitige étibar bérishini ümid qilimen" dédi.

10-Ayning axiriliri gomindangning künes memuriy rayon bashqurush idarisining bashliqi lo jixuy nilqa partizanlirining nilqini igiligenlikini anglap, herbiy-memuriy xadsimliri bilen nahiye bazirini tashlap, qara sheherge qéchip ketti. Méngbéshi jayirbék beshtöpe (hazirqi künes) de qomandanliq shtabi teshkillep, hakimiyetni ötküziwaldi.

... Dawami bar ...

Menbe: Shinjang üch wilayet inqilabigha da'ir chong ishlar xatirisi

( Shinjang xelq neshriyati, 1995-yil neshri )

Menbe: orxon we http://aqqush.com/index.php


Ilimge qoshulup kelse ger bir gherez,
U ilim emestur belki bir merez.
 
Форум * Munber » TARIX ИСТОРИЯ » Tarixtin bayanlar » "Üch wilayet inqilabi" tarixidin
Страница 1 из 11
Поиск:

Copyright MyCorp © 2006 Сайт управляется системой uCoz