Главная страница ساياھەتچى تور بېتىنىڭ مۇنبىرى Регистрация

Вход

Приветствую Вас Гость | RSS Вторник, 2017-11-21, 0:03 AM
[ Новые сообщения-yingi xewerler · Участники-ezalar · Правила форума · Поиск-izdesh · RSS ]
Страница 1 из 11
Модератор форума: chon_dada, Lutpullam 
Форум * Munber » Medeniyet/Культура » Bilim » Xosh Ana mektep (Mana, yene bir oqush jili ayaqlashti...)
Xosh Ana mektep
SayahetchiДата: Понедельник, 2006-05-29, 4:52 PM | Сообщение # 1
Admin
Группа: Администраторы
Сообщений: 115
Статус: Offline
Xosh, ana mektep
Mana, yene bir oqush jili ayaqlashti. 25-may küni jumhuriyitimizning barliq ottura bilim bérish mektepliride axirqi qongghuraq merasimi bolup ötti.

Shundaq tentenilerning biri Mesim Yaqupow namidiki 101-uyghur ottura mektiwide ötküzüldi. Ana mektep bilen xoshlishish merasimi échilip, Qazaqstan Jumhuriyitining Dölet Gimni orunlanghandin kéyin, mektep mudiri Xurshidem Niyazowa, en’ene boyiche, 2005-2006-oqush jilining yekünige qisqiche toxtilip ötti. Uning tekitlishiche, biyil mezkür bilim dergahida oqush jilini 719 oqughuchi tamamlawatidu. Ularning 83-i ela, 175-i yaxshi tügetti. Endi 11-sinipni 44 oqughuchi pütirish aldida tursa, ulardin 3 oqughuchi “Altun belgü” élishqa ümütkar.
Merasim jeriyanida sözge chiqqan Türksib nahiyelik hakimiyetning yétekchi mutexessisi Q.Köshérbaéw, péshqedem ustaz S.Tinibékowa, shair A.Hézimow, Sultanqorghan mehellisining chong jigit béshi Gh.Memeteliéw, “Méktép” neshriyatiuyghur rédaktsiyasining bashlighi R.Ghojamberdiéw we bashqilar ana mektep bilen xoshlishish harpisida turghan jigit-qizlarning dölet émtihanlirini utuqluq tapshurup, hayattin munasip ornini tépishigha tilekdashliq bildürdi. Mezkür tentenide shundaqla sözge chiqqan jumhuriyetlik Uyghur medeniyet merkizi yénidiki Maarip kéngishining reisi, filologiya penlirining doktori Alimjan Tiliwaldi merkez namidin bir top ustazlargha Pexriy yarliqlarni tapshursa, “Bént” aktsionérliq jemiyitining prézidénti Dilmurat Kuziéw öz ailisi tesis qilghan on grantning ikkisini 101-mektepke tapshurdi. Uningdin tashqiri mektepning mejlisler zalini rémontlashqa 300 ming tengge we tört muellimge Issiq-kölde dem élish yollanmisini sogha qildi.
Öz nöwitide 11-sinip oqughuchiliri Ana mektiwige, bilim bergen ustazlirigha bolghan minnetdarlighini shéiriy misralar, naxsha-sazlar bilen izhar qildi. Barliq ustazlargha güldestilerni tutti we mektepke esletme rétide soghilirini qaldurdi. Tentenide mektepni ela bahalargha tamamlighan oqughuchilargha Pexriy yarliqlar tapshurulup, uning axiri naxsha-sazgha ulashti.
Shemshidin Ayupow
© (Uyghur awazi gezitidin).
torgha yollighan Baxtiyar ependi.

Сообщение отредактировал Sayahetchi - Понедельник, 2006-05-29, 4:55 PM
 
Форум * Munber » Medeniyet/Культура » Bilim » Xosh Ana mektep (Mana, yene bir oqush jili ayaqlashti...)
Страница 1 из 11
Поиск:

Copyright MyCorp © 2006 Сайт управляется системой uCoz